Boa fin de semana deportiva para os piragüistas valdeorreses Kissy Torres e Adolfo Monteagudo que subían ao podio nas dúas probas nas que participaban.
O sábado 22 de agosto disputaban o 55º Descenso Internacional do Miño en Tui, onde Adolfo Monteagudo e Neftalí Paraje lograban o 2º posto en K2 veterano home con 134 puntos (01:03:55,78); e Kissy Torres e Yanaisa Fraga o terceiro 3ª en K2 veterano muller con 128 puntos (01:18:40,94).
O domingo 23 de agosto tiña lugar a 64ª Travesía Ría de Foz onde Adolfo Monteagudo e Kissy Torres subían ao segundo posto do podio en K2 mixto sénior (categoría absoluta) con 134 puntos (00:54:53:57).
Fotos cedidas.