A Comisión Mixta do 1,5% Cultural, presidida polo secretario de Estado de Infraestruturas, Transporte e Vivenda, Pedro Saura, e composta por representantes de Mitma e do Ministerio de Cultura e Deporte, vén de elevar este martes 15 de decembro unha proposta ao ministro de Transportes, Mobilidade e Axenda Urbana para o financiamento de 5 novas actuacións como consecuencia da convocatoria publicada en xaneiro de 2020.
Entre elas, a única prevista para a provincia de Ourense é unha correspondente ao Barco de Valdeorras. Trátase da segunda fase de rehabilitación do BIC de O Castro. O Ministerio de Transportes, Mobilidade e Axenda Urbana achegaría o 69% do orzamento total da actuación, que ascende a 305.475,86 euros. Hai tres proxectos previstos na provincia da Coruña e un en Pontevedra.
O subdelegado do Goberno subliñou que “esta iniciativa establécese como unha segunda fase dentro do conxunto de intervencións no BIC de O Castro co obxectivo da posta en valor do núcleo histórico e o estudo histórico e arqueolóxico do mesmo”.
Con este novo proxecto preténdese levar a cabo a rehabilitación do entorno do BIC de O Castro, incidindo sobre a recuperación do conxunto da muralla e os espazos interiores do primeiro anel amurallado e mellorando as condicións do espazo público para permitir o estudo, a restauración e a posta en valor da muralla e dos restos arqueolóxicos presentes.
A resolución provisional permitirá continuar co procedemento ata a adopción da resolución definitiva, condicionada esta á aprobación dos proxectos e ás aportacións financeiras comprometidas. A partir desta resolución provisional os participantes disporán de 10 días para aceptar a axuda e de 90 para presentar toda a documentación. Cabe destacar que en tanto non se notifique a resolución de concesión definitiva ao futuro beneficiario, non se crea ningún dereito a favor do mesmo.
Esta segunda fase permite dar continuidade á actuación desenvolvida no ano 2012 consistente na rehabilitación da Torre da Homenaxe e o seu entorno máis inmediato e que tamén foi cofinanciada polo Ministerio de Fomento con cargo ao Programa do 1% Cultural. A primeira actuación realizada sobre o BIC supuxo o inicio dun proceso de transformación do conxunto medieval de O Castro que tivo unha ampla incidencia no lugar e en toda a comarca de Valdeorras.
E total, o Ministerio de Transportes, Mobilidade e Axenda Urbana achegará 3.072.041,39 euros a proxectos de recuperación e posta en valor do patrimonio histórico español en Galicia con cargo aos fondos que se xeran para o 1,5% Cultural como consecuencia da contratación da obra pública. O investimento total previsto en Galicia, polas entidades e administracións participantes, incluíndo as achegas do Estado, é de 4.970.679,56 euros.
A resolución provisional permitirá continuar co procedemento ata a adopción da resolución definitiva, condicionada esta a a aprobación dos proxectos e ás achegas financeiras comprometidas. A partir desta resolución provisional os participantes dispoñen de 10 días para aceptar a axuda e de 90 para presentar toda a documentación. Cabe destacar que en tanto non se notifique a resolución de concesión definitiva ao futuro beneficiario, non se creou ningún dereito a favor do mesmo.
