Con motivo da proximidade da data de San Valentín, na Biblioteca Florencio Delgado Gurriarán do Barco vén de poñerse en marcha unha singular campaña denominada “Cita a cegas cun libro”.
Dende esta instalación propoñen aos seus usuarios levar en préstamo un “libro sorpresa”, descoñecendo o seu título e contido, para “descubrir unha historia que vai namorar”. Esta campaña desenvolverase entre o 11 e o 18 de febreiro.