Baixo o eslogan “Mellora a tú marca, gana ao cancro de páncreas”, do 18 ao 21 de novembro celebrarase de forma virtual a edición 2021 da Carreira valdeorresa contra o Cancro Páncreas.
O obxectivo desta iniciativa solidaria é recadar fondos para investigar sobre o cancro de páncreas e dar visibilidade á enfermidade, e non deixa de recibir apoios, desta volta en forma de cheque. A Obra Social La Caixa vén de donar a través da súa sucursal no Barco de Valdeorras 3.000 euros a ACAPAVAL (Asociación Cancro de Páncreas de Valdeorras) para colaborar con esta edición da carreira.
