OurenseÚltima hora

A CHMS inicia os traballos limpeza e conservación dos leitos do municipio ourensán de Trasmiras

Publicidade

 

A Confederación Hidrográfica do Miño-Sil (CHMS), organismo autónomo dependente do Ministerio para a Transición Ecolóxica e o Reto Demográfico, continúa traballando na limpeza de leito e marxes dos ríos de Ourense, cun investimento previsto para 2022 que supera os 2,4 millóns de euros.

Na xornada do luns 11 de xullo comezaron os traballos no regato das Regadas e do río Trasmiras, ao seu paso polo municipio ourensán de Trasmiras. “Da inspección previa á zona detectouse importante presenza de restos de madeira e abundante vexetación que nalgúns puntos chegaba a invadir parcialmente o leito, diminuíndo a capacidade de desaugadoiro, ademais de árbores secas en pé, algunha árbore tombada e árbores inclinadas con risco de caída sobre dominio público hidráulico e zona de servidume”, explican dende a Confederación.

 

 

Os traballos consisten na tala, partido, amontoado e retirada das árbores secas en pé, árbores tombadas e árbores inclinadas con risco de caída presentes no primeiro tramo do río Trasmiras e no tramo final do Regato das Regadas. Tamén na poda dos exemplares cuxas ramas invaden as leiras lindeiras máis aló da zona de servidume, estaquillado con brotes de salgueiro para a revegetación dalgunhas zonas nas que non hai presenza de vexetación arbórea ou arbustiva, sobre todo na desembocadura do río. Ademais, procederase á execución de rozas e resalveos selectivos en dominio público hidráulico e zona de servidume, sobre todo nos puntos nos que a vexetación invada o leito.

Estas actuacións durarán máis de 3 meses e supoñen un investimento estimado de 62.000 euros. “Consideramos que a conservación dos nosos leitos é a clave para que os cidadáns coñezan e valoren a riqueza natural que forman os ríos e o ecosistema que os sustenta, coñecer para valorar, leste é o obxectivo”, en palabras do presidente da Confederación, José Antonio Quiroga.

 

Artigos relacionados

Back to top button