A convocatoria está prevista para o 13 de decembro e o obxectivo é tratar de axilizar o proxecto desta infraestrutura
Seis meses despois da xuntanza mantida no Barco, a comisión de seguemento da Plataforma en defensa da A-76 volverá reunirse na tarde do vindeiro 13 de decembro no Concello de Monforte de Lemos. Este encontro vén de ser convocado polos presidentes da Asociación Empresarial de Valdeorras (AEVA) e do Círculo Empresarial Leonés, CEL-Bierzo.
A esta cita están convocados os alcaldes do Barco de Valdeorras, Monforte de Lemos e Ponferrada, así como os representantes das asociacións empresariais destes municipios. O obxectivo da reunión é facer seguemento do estado dos proxectos.