Nestes días estase a desenvolver na vila un obradoiro de pintura mural organizado polos departamentos de Servizos Sociais e de Xuventude do Concello
Uns 14 mozos de entre 14 e 20 anos están a participar no obradoiro de pintura mural que se está a impartir durante estes días de agosto no Barco. Este grupo de rapaces participan e asisten habitualmente para encher de murais o paso subterráneo entre as rúas de Santa Rita e Caleras, por debaixo da vía do tres.
As coordinadoras deste obradoiro son Celia Rey e Eva Piay, ambas estudantes de Belas Artes. O grupo traballa todas as mañás de 10:00 a 13:00. Esta iniciativa está organizada polos departamentos de Servizos Sociais e de Xuventude do Concello.
Nesta galería de imaxes (fotos cedidas polo Concello do Barco) poden verse algúns dos traballos que xa están rematados.
