Os viños da Denominación de Orixe Monterrei estarán presentes, os días 5 e 6 de xuño, en Ourense Vinis Terrae, o Salón do Viño e Licores Galegos de Calidade. O C.R.D.O. Monterrei contará cun stand propio, no que se ofrecerá información sobre a tradición e historia vitivinícola, características edafoclimáticas, variedades de uva e tipoloxías de viños.
Ademais, os que se acheguen poderán coñecer e degustar viños das seguintes adegas pertenencientes á denominación: Ladairo, Gargalo, Castro de Lobarzán, José Luis Gómez Ibáñez (Valderello), José Antonio Da Silva Pereira (Vinos Lara), Crego e Monaguillo, Terras do Cigarrón, Triay, Terrae Monterrei, Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Pazo de Valdeconde, Tabú, Alba Al-Bar (Daniel Fernández), Franco Basalo, Trasdovento, Manuel Vázquez Losada e Manuel Regueiro García (Serra de Alén).
Ourense Vinis Terrae conta cun amplo programa de actividades que inclúen o Primeiro Concurso “Coñece os nosos viños”, III Cata Extraordinaria Ourense Vinis Terrae, presentación da Plataforma Tecnolóxica do Viño (PTV), xornada sobre sustentabilidade e viticultura que abordará a xestión da pegada de carbono nas adegas a cargo da empresa AirCo2 ou un Túnel do Viño e Licores e Augardentes con 116 referencias, entre outras cuestións.
O horario de Ourense Vinis Terrae será 10 a 18 horas, e a acreditación profesional, de carácter gratuíto, pode realizarse a través da web (www.vinisterrae.es) ou directamente no recinto feiral.
