Unha vintena de personas da D.O. Txakoli de Getaria, entre eles adegueiros, viticultores, membros do equipo técnico do Consello Regulador, e un cociñeiro, visitaron as adegas da D.O. Ribeira Sacra, Regina Viarum, Cachín e Val de Lenda. Así, tiveron a oportunidade tamén de navegar polo Canón do Sil e de visitar o Centro do Viño da Ribeira Sacra.
A secretaria do C.R.D.O. Txakoli de Getaria, Ruth Mozo, resaltaba durante a visita que “ver como traballan durante a vendima debe de ser espectacular. Por exemplo na D.O. Txakoli de Getaria, as viñas están a 5 minutos das adegas, aquí tenche que gustar e telo que vivir para meterte neste mundo, aquí se non o vives non te podes poñer a elaborar e coidar a viña”.
