CulturaCulturaÚltima hora

A exposición “O fin do Camiño” recala en Quiroga

 

A sala de exposicións do Concello de Quiroga acollerá a partir de mañá “O Fin do Camiño”, unha exposición itinerante que estará nestas instalacións ata o 5 de abril. Organizada polo colectivo Egeria co patrocinio da Xunta de Galicia, a través do programa O Teu Xacobeo, recolle imaxes dos fotógrafos Eduardo Ochoa e Carlos Puga.

A mostra está formada por dez grandes paneis dobres que complementan ás fotografías con textos en galego, castelán e inglés, reflectindo as distintas visións e sentimentos que levan aos peregrinos a emprender o Camiño a Compostela. Así mesmo a través desta obra pode descubrirse a procedencia dos peregrinos chegados de lonxe, aspectos como a multitude e a soidade que ambos teñen cabida no Camiño.

“O Fin do Camiño”, que xa leva recorrido varios municipios galegos situados no Camiño Francés e no Camiño de Inverno, abrirase ao público mañá martes, día 30, ás 12:30 h.

Artigos relacionados

Back to top button