As paredes da Casa Grande de Viloira acollen xa a exposición Verbena. A mostra do artista valdeorrés Roi Domínguez era inagurada o pasado venres 16 de novembro na Casa do Río Cigueño no marco das xornadas “Coñece Valdeorras, coñece a Florencio” e este luns trasladábase ao novo emprazamento onde poderá visitarse ata o día 30 de novembro na planta baixa do edificio e no seu horario habitual.
Esta mostra, composta por una serie de 7 debuxos (realizados exclusivamente con viño tinto de Valdeorras) e una talla en madeira, ofrece una “perspectiva costumista e contemporánea de diferentes momentos festivos, con influencias tan dispares coma Castelao ou a orquestra Panorama, tratando de desidealizar o propio concepto pictórico de representación, e tomando coma refererencia imaxes fotográficas amateur ou mesmo recortes de prensa e fotogramas de televisión, onde os personaxes adoitan mostrarse dun xeito máis natural e sen efectismos”, explica o artista multicisciplinar natural do Barco.
El mesmo puntualiza que este proxecto está en “constante produción e mutación”, tratando por una parte de “experimentar cun material afastado das técnicas pictóricas como é o viño pero cunhas connotacións que nos remiten á festa, á celebración e á reunión que engade significado a cada una das obras”; e por outra, de achegar a arte á cotidianeidade, mediante a súa exposición en lugares afastados dun contexto propiamente expositivo. “Trátase de levar o arte ao espectador, non o espectador á arte”, di Roi.
