Na mañá do 10 de xullo iniciábanse os labores de montaxe do recinto deste certame na praza Andrés de Prada do Barco
Aínda restan dous días para o acto inaugural da XVII Feira do Viño de Valdeorras pero a organización xa está mergullada nos preparativos para coidar cada un dos destalles desta edición que incluirá diversas novidades no seu programa. A primeira delas será a propia ubicación xa que, tras 16 anos celebrándose na Rúa, O Barco acollerá esta nova edición do certame.
A feira desenvolverase na praza Andrés de Prada, situada no centro da vila e moi preto do Paseo do Malecón. Na mañá do 10 de xullo comezábase xa a traballar na montaxe do recinto feiral, no que poderán degustarse durante os días 12 e 13 de xullo, os viños de ata 22 adegas amparadas pola Denominación de Orixe Valdeorras.