Afundación continúa coa programación para escolares con A nena e o grilo máis aló, unha proposta do cantautor rues Magín Blanco que fusiona música e teatro en galego, con dúas representación en Ourense. A primeira tiña lugar hoxe, 9 de decembro, e a segunda será o día 16 no Auditorio Municipal de Ourense con dúas sesións, ás 10 e ás 12 horas.
Máis de 2.000 escolares de 42 centros da cidade de Ourense e arredores acudirán a ver esta obra na que a cooperación, a amizade, a tolerancia e a superación dos medos desempeñan un papel fundamental. Os protagonistas esmagan sen querer á súa amiga Xertrude A Araña. Buscando unha maneira de devolverlle a vida, atópanse cuns artistas ambulantes que os guiarán a través da maxia e da música ao País dos Mortos. Alí tentarán atopar a Xertrude para traela de volta.