Continúan en ascenso os casos activos de Covid-19 na provincia de Ourense. Así, segundo a última actualización de datos feita pública pola Consellería de Sanidade hoxe rexístranse un total de 266 casos na Área Sanitaria Ourense, Verín e O Barco de Valdeorras, o que supón 23 máis que onte.
Dese total de pacientes, 10 están ingresados en planta e 3 en UCI, mentres que os 253 restantes permanecen a seguemento a domicilio. O Hospital Universitario de Ourense ten 12 pacientes ingresados (9 en planta e 3 en UCI), mentres que o Hospital de Verín ten un ingreso e o Hospital de Valdeorras continúa libre de virus.
O total de casos rexistrados na provincia ascende a 2.343, con 1.943 curados (11 altas) e 134 falecementos. Na provincia de Ourense lévanse realizado 41.695.
