Para todos os públicos, animada e moi divertida. Así era a sesión de zumba que, tal como estaba previsto, se celebraba na tarde deste mércores 16 de agosto no campo de San Roque, na Rúa.
Coma sempre, a actividade organizada pola Asociación Sabugueiro, que forma parte do programa das Festas de San Roque, reunía a un bo número de participantes que bailaron, brincaron e desfrutaron seguindo o ritmo da monitora, sempre en clave de humor.
Pola noite será a quenda do teatro coa representación de “A voda do esganarello” por parte de A Ruada, na praza César Conti.
Fotos cedidas.