A agrupación de música e baile tradicional da Rúa participará no XIII Festival de Gaita
O vindeiro sábado 26 de xullo, a partires das 22h. terá lugar na avenida Santalla de Oscos de Toral de los Vados (León), a XIII edición do Festival de Gaitas organizado pola agrupación Mencía en colaboración co Concello.
Nesta ocasión os grupos participantes serán a Banda de Gaitas Mencía, o Grupo Folclórico Divino Salvador de Tebosa (Portugal) e a Agrupación de música e baile tradicional Abertal da Rúa. O director da agrupación ruesa adianta que para o festival están preparando un pouco de todo. “Non é a primeira vez que actuamos en Toral e nesta ocasión amosaremos todo o que temos (baile, pandeireta, acordeón, coro e gaita) pero de forma breve porque somos tres grupos e senón faríase demasiado longo” explica Manuel Durán.