Rozando ás 21:30h. deste mércores 9 de febreiro producíase un accidente de tráfico con feridos na estrada de Éntoma (O Barco), nas proximidades da zona da Barxa. Un vehículo saíase da vía nese punto.
Ata o lugar do sinistro desprazábanse de inmediato o 061-Urxencias Sanitarias, a Policía Local do Barco, o GES Valdeorras, a Garda Civil de Tráfico e os bombeiros do parque comarcal. Segundo as primeiras informacións, no accidente resultaba ferida unha persoa que era traslada ao Hospital Público de Valdeorras.
