Na tarde deste luns 22 de xaneiro producíase un accidente de tráfico na céntrica rúa Campogrande, na vila da Rúa, no que se vian implicados dous vehículos e que se saldaba sen feridos.
O suceso tiña lugar pasadas as 15:15 horas cando un coche que viña do Barco chocaba contra un autobús que ía diante. Segundo o propio condutor do turismo, despistouse e non deu freado cando o facía o condutor do bus, que ía dirección Ourense.
Ata o lugar dos feitos acudía a Policía Local da Rúa.
