Alfredo García, candidato á secretaría xeral do PSdeG-PSOE de Ourense, reuníase durante esta fin de semana cos militantes das comarcas do Ribeiro, de Monterrei, da Limia e de Terras de Celanova. Presentáballes o seu proxecto de “cambio e unidade do partido” e escoitaba as inquedanzas dos socialistas non para ser o “futuro do socialismo ourensán” senón para que “o socialismo ourensán teña futuro”.
Nestes encontros Alfredo García estivo acompañado por diferentes cargos públicos e institucionais do PSOE ourensán e contou coas intervencións da alcaldesa de Ribadavia, Noelia Rodríguez; o alcalde de Verín, Gerardo Seoane; a alcaldesa de Xinzo de Limia e deputada provincial, Elvira Lama; e a concelleira de Celanova, Teresa Barje.
Entre estas intervencións estaba a do alcalde socialista de Carballeda de Avia, Luis Milia, quen amosou o seu apoio a García quen asegura que “representa un proxecto de alma municipalista” ante a necesitade de que “todos contemos no partido e se cumpra co que se lle di aos militantes”.
