Ata tres vehículos se vían implicados nun aparatoso accidente de tráfico sucedido na tarde do 15 de xaneiro na estrada N-120 ao seu paso por Vilamartín de Valdeorras.
Pasadas as tres da tarde, dous turismos (un viaxaba dirección Ourense e outro dirección Ponferrada) chocaban semifrontalmente, véndose implicado un terceiro que, sorprendentemente, non chegaba a recibir impacto algún. Ata o lugar do accidente desprazáronse varias unidades da Garda Civil de Tráfico e ambulancias, así como os Bombeiros de Valdeorras, membros do GES Valdeorras e de Protección Civil de Vilamartín. Malia os danos sufridos polos vehículos, especialmente un deles que recibía o impacto frontal, non houbo que lamentar feridos de gravidade. O condutor dun dos coches baixaba polo seu propio pé sen feridas e o outro era trasladado en ambulancia ata o Hospital Comarcal Valdeorras.
Fotos: Mónica G. Bellver.
