Co obxectivo de incentivar a participación o Concello de Vilamartín de Valdeorras convoca un ano máis, en réxime de concorrencia competitiva, as axudas para o Desfile de Comparsas e Folións de Entroido 2024 que se celebrará o sábado 10 de febreiro a partir das 16:30 horas. Ao remate haberá chocolatada con churros e música a cargo da disco-móvil Danzalia.
Poderán participar no desfile todas as persoas que o desexen independentemente da súa nacionalidade e lugar de residencia, e faráselle entrega dunha axuda económica ás comparsas e folións en función do número de compoñentes:
De 10 a 20 compoñentes: 100 euros/Comparsa ou Folión.
De 21 a 30 compoñentes: 200 euros/Comparsa ou Folión.
Máis de 30 compoñentes: 300 euros/Comparsa ou Folión
O prazo de inscrición comezará mañá, luns 29 de xaneiro, e finalizará o venres 9 de febreiro ás 14 horas. Aquí se poden consultar as BASES.
