No centro ocupacional de Asfaval (Asociación de Familiares de Persoas con Discapacidade Intelectual de Valdeorras) elaboran ao longo do ano numerosos artigos. Agasallos feitos polos usuarios que máis tarde poñen á venda, no propio centro e tamen en feiras e mercadiños. A piques de entrar de cheo no Nadal, entre eses artigos, están as postais coas que moitas empresas e tamén particulares felicitan as festas, e que este ano están a adicadas ao poeta de Córgomo Florencio Delgado Gurriarán, o homenaxeado das Letras Galegas de 2022.
Tal como indica a directora do proxecto As Letras de Florencio, Débora Álvarez, trátase “dunha moi bonita iniciativa para colocar a Florencio nestas festas que dan inicio a un ano tan importante para Valdeorras como será o 2022”.
As tarxetas, con diferentes modelos, seguen á venda na sede de Asfaval, na urbanización Las Huertas, no Barco de Valdeorras.
