A Pobra de Trives está a vivir unha intensa fin de semana en torno aos cogomelos, da man do Club Montaña Trives.
Na tarde do venres 8 de novembro poñíase en marcha o IX Concurso da Tapa Micolóxica no que participan 14 establecementos de hostalaría e na mañá deste sábado día 10 daba comezo a XXIV edición das Xornadas Micolóxicas.
Coma sempre o programa encetábase ben cedo, en torno ás 9:30 horas, coa charla no IES Xermán Ancochea Quevedo a cargo da Asociación Micolóxica Os Cogordos de Ourense, á que asistían 88 persoas que unha hora despois saían ao campo na procura dos cogomelos que máis tarde serán identificados, clasificados e expostos no patio interior da Casa Grande.
A mediodía haberá un xantar Gourmet no Hostal La Viúda.
Fotos cedidas.
