Por segundo ano consecutivo a comisión de festas de Vilamartín de Valdeorras contaba con Assia para amenizar o baile na sesión de tarde e verbena do sábado das festas de San Xurxo.
Así, tralo pase da tarde, na noite do 20 de abril o grupo asturiano facía bailar ao númeroso público de todas as idades reunido baixo a carpa na praza José Luis Núñez, ao ritmo dos cásicos do rock en español e en inglés, de hoxe e de sempre, atendendo a canta petición lle facían. A nota disco poñíaa novamente DJ Isra que encandilaba á xuventude.
Hoxe, domingo 21 de abril, o baile correrá a cargo do grupo JB Son que actuará en sesión continua de 19:30 a 22:30 horas.
Fotos e vídeo: Mónica G. Bellver.
