Desfrutar do ceo nocturno e das Perseidas á beira do Monumento Natural do Souto de Rozabales, da música e do baile tradicional ou do carácter ancestral do Entroido de Manzaneda a través da fotografía. Son algunhas das propostas preparadas polo Concello de Manzanda dentro do “Verán Cultural” para a semana do 14 ao 20 de agosto.
Así para o 16 de agosto está previsto un paseo nocturno con observación de Perseidas con saída ás 22h. dende a Porta da Vila, na tarde do 17 de agosto haberá actuación de música tradicional ás 20:30h. na pista da piscina e o 18 de agosto está prevista a inauguración da exposición fotográfica “Entroido de Manzaneda”, da autoría de Carlos G. Hervella, no antigo cárcere ás 20h.
