Novo descenso nos casos activos de coronavirus nos centros educativos de Valdeorras. Así, segundo os datos do listado da Xunta de Galicia emitido neste martes 27 de abril, son 4 os positivos que existen nos centros da comarca fronte aos 6 que aparecían o sábado 24 de abril.
No Barco desaparece do listado o CEIP Condesa de Fenosa (que o sábado rexistraba 1 positivo), mentres o IES Lauro Olmo e o Colexio Divina Pastora continúan con 1 positivo en cada centro. Tamén desaparece do listado o CPI Tomás Terrón Mendaña de Sobradelo, que o pasado sábado tiña 1 positivo.
Onde non hai modificacións é no CEIP Manuel Respino da Rúa, que continúa con 2 positivos e 1 aula pechada.
No total da provincia de Ourense son 26 os positivos (5 menos que o sábado) en centros educativos e 1 aula pechada, segundo os datos da Xunta.
