A Área Sanitaria Ourense, Verín e O Barco de Valdeorras rexistra 462 casos activos de Covid, segundo a última actualización de datos feita pública pola Consellería de Sanidade. Dese total de pacientes, 32 están ingresados (deles 5 na Unidade de Coidados Intensivos) e 430 permanecen a seguemento a domicilio.
No Hospital Universitario de Ourense hai 25 pacientes ingresados en planta e 5 en UCI, mentres que o Hospital de Verín ten 2 ingresos en planta. Pola súa banda, o Hospital Público de Valdeorras segue libre de virus, segundo Sanidade.
O total de casos rexistrados na provincia ascende a 2.695, con 2.098 curados e 135 falecementos. Na provincia lévanse realizado 47.151 probas PCR, 279 nas últimas 24 horas.