Barcelona, Atl. de Madrid, Atl. de Bilbao, Deportivo, Porto e Vitoria de Guimaraes, no III torneo alevín de fútbol 7 de Ourense

O campo de fútbol das Eiroás acollerá esta fin de semana o III torneo internacional alevín de fútbol 7 Mercedes Benz-Garza. Un campionato no que participarán equipos dos principais clubs españoles e portugueses: FC. Barcelona, Atlético de Madrid, Athletic de Bilbao, Deportivo da Coruña, FC. Porto e Vitoria de Guimaraes. A representación ourensá correrá a cargo do Santa Teresita e o Pabellón (gañador da fase previa a pasada fin de semana).

A competición comezará o sábado 15 de setembro ás 10 horas. Cun parón para xantar, os partidos reanudaranse de 16 a 20 horas. O domingo o torneo comezará de novo ás 10 horas. Xogaranse as semifinais e partidos de consolación, estando prevista a final para as 13 horas.