En torno ás 12:45 horas deste domingo 2 de abril tiña lugar a tradicional bendición de ramos na praza Doutro Quiroga de Petín. O párroco, Lisardo Paradelo, introducía un ramo en auga bendida e, a continuación, procedía a dar a bendición dos ramos e palmas dos fieis reunidos na praza, como símbolo da entra de Xesús en Xerusalén.
De seguido partía a procesión rumbo á igrexa parroquial para dar inicio á eucaristía do Domingo de Ramos, dando por inaugurada a Semana Santa nesta localidade valdeorresa. A seguinte cita será o Xoves Santo ás 17 horas coa celebración na Cea do Señor.
A tradicional procesión da Soidade ou dos caracois será o Venres Santo ás 22 horas.
Fotos: Mónica G. Bellver.
