O apartado musical correrá por conta do grupo Kalima e Gramola
Na localidade bolesa de Buxán está xa todo preparado para celebrar a II Festa do Verán prevista para o domingo 12 de agosto.
O programa arrancará en torno ás cinco da tarde con xogos tradicionais, da rá con dúas categorías (adultos e ata 12 anos) e de bolos; e de mesa cun campionato de tute (inscrición: 10 euros por parella). E xa de cara á noitiña, o baile estará amenizado polo grupo Kalima, pechando a sesión verbena a discoteca móbil Gramola.
A comisión de festas puxo á venda pañoleta a 3 euros e durante a festa farase un sorteo con 300 euros para o 1º premio e 200 euros para o 2º.