Con moita alegría e ilusión estase a vivir o sorteo da Lotería de Nadal no Barco. Entre os primeiros premios que se coñecían estaba un dos quintos premios, o 88979, que caía precisamente na Administración de Lotería desta vila. Era o terceiro quinto premio da mañá, que supón 6.000 euros ao décimo.
Vendíase en ventanilla, co cal vai estar moi repartido tanto no propio Barco como na comarca de Valdeorras, tal e como explican dende a administración.
Ademais de no Barco, este número tamén se vendía en moitas outras localidades española, entre elas a cidade de Ourense (en varias administracións) e Xinzo de Limia.
Fotos: Carlos G. Hervella.
