Produtos do mar e da terra poderán degustarse de forma gratuíta nas propostas culinarias que achegará á veciñanza de Carballeda de Valdeorras a foodtruck da campaña “Galicia sabe a mar”, promovida pola Consellería do Mar. Recalará neste municipio, en concreto en Sobradelo, o día 9 de outubro de 12h. a 20h. e estará situada no parking desta vila.
Así o vén de comunicar, a través dun bando, o Concello de Carballeda de Valdeorras.
