Sete anos despois de presentar o seu disco Mientras bailamos Carlos Domínguez volve a Córgomo (Vilamartín de Valdeorras) para dar a coñecer o seu novo traballo, Un tiempo mejor.
Madrileño con orixes en Celeiros e Valdanta, no concello do Bolo, este cantautor dará un concerto acústico de guitarra e voz co que celebrar a vida e gozar da amizade. Será este sábado 10 de agosto ás 21 horas na Sala Conde Torino, e da man de Córgomo Arte que segue apostando por “encher de arte e vida o noso rural”.
