As festas de San Bartolomé de Trives ofrecerán unha completa programación que suma case unha decena de orquestras e grupos musicais. Do 23 ao 26 de agosto o concello da Pobra de Trives vivirá a celebración por todo o alto. Ademais das actuacións de recoñecidas agrupacións como América de Vigo, no programa inclúese o tradicional torneo de fútbol sala que se desenvolverá no pavillón municipal ata o día 27.
O mércores 23 de agosto está previsto que a verbena comece ás 21:30 horas coa orquestra Gran Parada na rúa San Martín. O xoves 24 de agosto os pasarrúas comezarán a soar ás 11 horas con Charanga Fuego. Pola noite, a partir das 21 horas, a animación musical estará protagonizada por Grupo Eureka na Praza do Reloxo e pola América de Vigo, dende as 22:30 horas na rúa San Martín.
O concerto de Os Camachuelos agárdase para o venres 25 de agosto, na Praza Doctor Paz. O programa do sábado 26 de agosto comezará ás 20 horas co Orfeón de Trives na Casa da Cultura, mentres que ás 21:30 horas prevese o concerto de Skalopndras na Praza do Reloxo. A partir das 23:30 horas haberá Disco Móbil Euphoria na rúa San Martín.
O torneo de fútbol sala das festas de San Bartolomé celebrarase do 23 ao 27 de agosto no pavillón municipal.