A piques de comezar a tempada 2023/2024 os equipos de fútbol ultiman os adestramentos e os test de nivel. No caso do CD Rúa, que comezará a campaña en Primeira Galicia o 10 de setembro no campo do Verín CF, programou no seu campo, o Vicente Solarat, un triangular con equipos da zona (cos que competía ata este ano) para o vindeiro domingo día 3 a partir das seis da tarde.
Ás 18 horas xogarán o CD Trives e CD Viana; ás 19 o CD Rúa co equipo perdedor do primeiro partido; e ás 20 horas o CD Rúa co equipo gañador do primeiro partido.
