Ás 21:44 do 31 de decembro nacía Chloe González Diéguez, a última nena do 2021 en Ourense. A terceira filla de Leticia Diéguez Ramos (Tenerife, 37 anos) e Alejandro González Felipe (Oviedo 38 anos), residentes en Beariz, nacía no Hospital Universitario de Ourense, cun peso de 3,660 kg.
A primeira do 2022 chámase Antía Pereira Gómez e nacía ás 06:37 horas no mesmo hospital. Con 2,950 kg de peso, é a primeira filla de Alba Gómez Fernández (Tui, 28 anos) e Adrián Pereira Diéguez (Tomiño, 28 anos), residentes en Barbadás.
Con respecto ao Hospital Público de Valdeorras, o último nacemento do 2021 era o de Sara que nacía ás 20:56 horas do 29 de decembro, pesando 3,415 kg. Os seus pais, Sona Samadi (25 anos) e Hamed (36 anos) son de orixe afgano.
