Premiará os traballos realizados polos alumnos de 0 a 12 anos con lotes de produtos do mercado
A Praza de Abastos de Ourense pon en marcha un certame de decoración de cabazas para Samaín para premiar os mellores deseños de cara a esta festa de orixe celta que se celebra na noite do 31 de outubro. Así, o mercado elixirá os mellores traballos de entre os realizados polos alumnos de 0 a 12 anos dos centros educativos de toda a cidade e premiará aos seus autores con lotes de produtos. Os participantes poden entregar as súas obras ao longo da semana, sendo o día límite o sábado 29. Ademais, as cabazas decoradas estarán expostas ao público.