Dirixido a todo aquel que “goste da natureza e da competición sana, e non lle asuste enfrontarse a un mapa e unha brúxula” está o curso introdutorio ás carreiras de orientación que se celebrará este sábado 15 de marzo a partir das 10:30 horas no pavillón municipal do Aguillón, na Rúa.
Está organizado polo Club Our-O e nel explicarán un pouco máis detidamente os fundamentos da orientación. Os interesados poden inscribirse de xeito gratuíto a través do enlace QR ata mañá, 13 de marzo ás 21 horas.
