A Consellería de Sanidade vén de informar nesta mañá do positivo por Covid-19 dun traballador da Residencia DomusVi Pereiro (Pereiro de Aguiar). Trátase do primeiro que se rexistra nos centros de maiores da provincia de Ourense.
Polo de agora, segundo os datos facilitados por Sanidade, son catro os positivos de Covid entre os traballadores de residencias de maiores galegas. Ao de Pereiro, sumábase tamén á ultima hora de onte outro positivo na residencia Orpea Coruña (Culleredo). Ademais hai outros dous detectados anteriormente: 1 na Residencia de Maiores San Bartolomeu (Xove) e outro na Residencia de Maiores de Paradela.
Polo de agora, non se rexistran casos activos de Covid entre os usuarios de ningún dos centros de Galicia, segundo Sanidade.
