Mañá remata a Primavera Musical no Cineclube Padre Feijóo coa proxección do documental sobre David Bowie “Ziggy Stardust and the spiders form Mars”, no Pub Torgal.
O 3 de xullo de 1973, David Bowie anunciou, no londinense Hammersmith Odeon nos bises do seu concerto, a desaparición do seu alter ego, Ziggy Stardust. Casualmente, aquela noite estaba rodando un realizador estadounidense, D.A. Pennebaker, coñecido polo seu documental “Don’t look balck”, onde mostra a Bob Dylan en 1965 percorrendo Europa. A RCA, discográfica de entón de Bowie, encargáralle filmar a primeira media hora do cencerto, e aí empeza outro mito.
