A Biblioteca Florencio Gurriarán do Barco acollerá o vindeiro 24 de xaneiro ás 20h. a presentación do libro de relatos “A luz da chuvia” (Editorial Toxosoutos), escrito por Delfín Caseiro e Antón Jardón. O acto contará coas intervencións de ambos autores, así como do técnico de Cultura do Concello do Barco, Gustavo Docampo.
Ao longo das súas 240 páxinas esta obra narrativa aborda historias de tempo, é unha “crónica amena de tempos pretéritos, de andar camiños de terra que levan carros de persoas dun lugar a outro, de comunicación íntima coa terra produtiva, coa natureza entusiasta”, segundo indica a propia editorial.
Esta presentación contará ademais co acompañamento musical do cantautor valdeorrés Anxo Rei.
