Tamén dende O Barco Centro Comercial Aberto e “en nome de todos os nosos asociados” amosan o seu apoio ás familias afectadas polo desafiuzamento nos terreos de Samaca e Irosa que tiña lugar esta mañá.
“Independentemente das decisións tomadas en calquera despacho, dende o Centro Comercial Aberto lamentamos o ocurrido nas diferentes empresas da lousa no municipio de Carballeda de Valdeorras”, din, desexando que “se solucione da mellor forma posible para as máis de 200 familias vinculadas directamente a ditas empresas; sumándose a elas as familias vinculadas indirectamente”.