Con dous folións e comparsas moi numerosas e divertidas se celebraba o desfile de Entroido organizado polo Concello de Vilamartín de Valdeorras.
Só unha semana despois do encontro de folións organizado polos Viticultores, na tarde deste sábado 26 de febreiro era a comparsa “Vilampaemojis” do CEIP Xosé Manuel Folla quen abría o desfile neste concello valdeorrés. Saían con puntualidade británica ás 17 horas, seguidos pola A.C. Folión Os Viticultores de Vilamartín, as “Diosas griegas”, “Los Faraones” de A Rúa, os “Cociñeiros do restaurante Come na túa Casa” de Vilamartín e “Os Zamarreiros de San Vicente” a comparsa máis numerosa con case 40 membros. Pechando o desfile, o Folión Os Arrieiros de Petín.
Con saída coma sempre dende A Rodeleira e tras percorrer boa parte da vila, sendo seguido por numeroso público ao longo da rúa principal, o desfile remataba na praza José Luis Núñez, con baile a cargo de Danzalia Disco Show.
Fotos e vídeos: Mónica G. Bellver.