No mediodía deste domingo 24 de marzo tiña lugar a tradicional bendición de ramos na praza Doutor Quiroga de Petín da man do párroco, Lisardo Paradelo, como símbolo da entra de Xesús en Xerusalén.
De seguido partía a procesión rumbo á igrexa parroquial para dar inicio á eucaristía do Domingo de Ramos, dando por inaugurada a Semana Santa nesta localidade valdeorresa. A seguinte cita será o Xoves Santo ás 17 horas coa celebración na Cea do Señor. A tradicional procesión da Soidade será o Venres Santo ás 22 horas.
Fotos e vídeo: Mónica G. Bellver.
