En torno ás cinco da tarde deste luns 16 de xullo producíase un accidente de tráfico en Trives. Unha furgoneta saíase da calzada a un quilómetro de distancia da vila trivesa, na estrada OU-536 en dirección á Rúa. Como consecuencia do sinistro resultaban feridas as dúas persoas que ían no interior do vehículo. Ata o lugar do sinistro desprazábanse de inmediato os equipos de emerxencias e os sanitarios.