Ás veces as viaxes nocturnas en coche deparan encontros inesperados. É o que lle sucedía a unha persoa durante o seu traxecto por unha das estradas das Terras de Trives. Máis concretamente na que une a vila de Manzaneda co Bibei, preto da chamada “curva do espello”. Nese punto er onde este condutor se topaba cun fermoso e xove exemplar de raposo que cruzaba tan tranquilo, alleo a toda presenza.
Non é a primeira vez que esta persoa se topa con animais durante as viaxes de traballo. De feito hai dous anos por estas mesmas datas, observaba a unha cría de raposo que estaba deitada nela, xusto no medio da liña que separa a calzada do arcén, no municipio da Veiga.
