Igual que pasou no Barco coas do Botelo, na mañá deste domingo 22 de xaneiro o punto de venda (a Casa da Cultura) de entradas para a XIV Festa do Codillo da Rúa, pechaba menos dunha hora despois de abrir con “todas as entradas vendidas”, un total de 900.
Ante esta resposta por parte da poboación, dende o Concello informan de que “para o caso de posibles devolucións de entradas ou no suposto de lograr habilitar algunhas prazas a maiores”, quen o desexe pode anotarte na lista de agarda dende as 8h horas de mañá, luns 23 de xaneiro, acudindo ao Concello ou chamando ao 988 31 01 16.
