En torno ás 12:07 horas deste venres 13 de outubro quedaba estabilizado o incendio forestal de Chaguazoso, no municipio de Vilariño de Conso, que segundo os datos facilitados pola Consellería do Medio Rural afecta a unhas 360 hectáreas de superficie. Os medios mobilizados para o mesmo son 5 axentes, 8 brigadas, 4 moto bombas, e 2 pas.
Ademais, ás 9:15 horas da mañá quedaba extinguido outro incendio en Nieva (Avión) que afectou a unha superficie de 73,43 hectáreas (59,73 de monte raso e 13,7 de arborado); e ás 13:26 horas facíao o de Parada (Lobeira) que afectaba a 110,69 hectáreas (80,69 de monte raso e 30 de arborado) no Parque Natural da Baixa Limia-Serra do Xurés, segundo os datos da Consellería.
