O pasado martes, 14 de abril, PC Red eXclusivo celebraba na rúa da Estación, no Barco de valdeorras o seu 9º aniversario. E foi unha data moi especial. Non só por facer case dez anos que entraba a formar parte do tecido comercial e social de Valdeorras, senón porque o facía en pleno estado de alarma polo Covid-19 e coa inauguración da tenda online.
eXclusivoShop.es levaba xestándose xa tres anos pero o ritmo frenético do día a día, as compras, as vendas, as consultas,… impediron o seu desenvolvemento. Ata agora. “Aproveitamos este tempo de confinamento para poñela en marcha”, explica José Francisco Rodríguez, Paco, asegurando que se trata dun proxecto moi ambicioso que en menos de 7 días en activo xa registrou “máis de 3.500 clientes (máis de cen diarios) e máis de 700 pedidos finalizados”, di, recoñecendo que malia ser bastante coñecidos na zona sorprendéronse coa boa acollida que tivo a web.
En www.exclusivoshop.es pódense atopar miles de produtos relacionados co mundo dixital, telefonía, electrodomésticos, papelería e moitos agasallos. “Incluso podes imprimir fotografías online que posteriormente recibirás… Digamos que é a nosa tenda física ao grande”, comenta Paco, asegurando que os metros cadrados que lles faltan no Barco conseguíronos na rede, ofrecendo ademais un servizo único de envío en 24 horas a calquera parte do ámbito nacional.
Capaces de competir con plataformas como Amazon, en eXclusivo Shop contan cun gran despliegue de productos en stock, con asesoramento a través de redes sociais e servizo de mensaxería instantánea, ademais duns prezos moi competitivos e atención telefónica 12 horas ao día, “cun equipo de garantías extraordinario, que fai que as compras sexan de total confianza”, garante Paco.
A maiores da gran oferta de produtos que teñen, en PC Red eXclusivo traballan moito as datas especiais como o Día do Pai, San Valentín ou o Nadal e nestes momentos están xa centrados no Día da Nai (1 de maio), que este ano será aínda máis especial coa venda na rede.
Fotos e vídeo: eXclusivo