EconomíaEconomíaEn portadaGalerías de fotosÚltima horaVídeos

Exitosa III Cea do CarnaVrao de San Cristóbal na Rúa con preto de 700 persoas

 

Volveron facelo. Dous anos despois da multitudinaria II edición celebrada antes da pandemia, a Cea Popular do CarnaVrao organizada pola Asociación Cultural San Cristóbal volvía congregar a preto de 700 persoas na rúa Doutor vila, en pleno centro da vila ruesa.

A pesares de que o Covid segue presente na sociedade, a xente ten gana de festa e iso nótase. Así na noite deste venres 8 de xullo, o trepidante ritmo da charanga CLK (Licor K da Limia) marcaba o comezo dunha multitudinara e animada cea elaborada e servida un ano máis por Mantesil, a base de empanada, langostinos cocidos e costela asada con patacas tamén asadas. De postre brazo de xitano. Tampouco faltou o viño (Godello e Mencía de Alán de Val), cervexa e refrescos (hai varios bares nesa mesma rúa), así como a música da charanga e o sorteo de 500 euros para facer desta calurosa noite, algo especial.

Con todo, o acto central do CarnaVrao, o desfile, terá lugar esta tarde a partir das oito con saída na rúa Campogrande (á altura dos bares O Café, Luna’s e Rute 66). Para ir entrando en materia, durante a cea xa pudo verse algún discreto disfraz.

 

 

Fotos e vídeo: Mónica G. Bellver.

Artigos relacionados

Back to top button